leyfi og undanþága

Leyfi og undanþága frá skólasókn

Mikilvægt er að nemendur stundi nám sitt af ábyrgð og temji sér stundvísi og reglusemi. Lög um grunnskóla kveða á um að forráðamenn nemenda sjái til þess að þeir sæki skóla dag hvern. Þurfi nemandi leyfi úr skóla í heilan skóladag eða lengur skal forráðamaður hans sækja um leyfi á sérstöku eyðublaði sem hægt er að fá á skrifstofu skólans og hér á heimasíðunni.
Um leyfi gildir eftirfarandi:

Forráðamaður sækir skriflega um leyfi.
Sótt er um leyfi á sérstöku eyðublaði (1).
Umsjónarkennari afgreiðir leyfi í 1-2 daga.
Umsjónarkennari og skólastjórnandi afgreiða leyfi í 3-5 daga.
Ef leyfi stendur lengur en eina viku er litið á það sem tímabundna undanþágu frá skólasókn. Umsjónarkennari og skólastjórandi funda með forráðamanni áður en slík undanþága er veitt. Sótt er um slík leyfi á sérstöku eyðublaði (2).
Skólinn áskilur sér rétt til að hafna tímabundinni undanþágu frá skólasókn ef ástæða þykir til, sbr. 8. gr. laga um grunnskóla.

Þau viðmið, sem lögð eru til grundvallar afgreiðslu umsókna um tímabundna undanþágu frá skólasókn eru:

Ástundun nemanda síðustu þrjár annir. Þar er átt við mætingu og skil á verkefnum og heimanámi.
Fyrri leyfi á síðustu tveimur önnum eða skólaárinu.
Hvort forráðamaður hafi sinnt skyldu sinni vegna fyrri leyfisbeiðna, sbr. 8. gr. grunnskólalaga, þ.e. að sjá til þess að nemandi hafi unnið upp það sem hann kann að hafa misst úr námi meðan á undanþágu stóð.

Athugið að öll röskun á námi nemenda, sem hlýst af leyfi eða undanþágu frá skólasókn, er á ábyrgð foreldra eða forráðamanna.
Foreldrar eru beðnir að gæta hófs í umsóknum um leyfi.

Umsóknareyðublöð:
(1) Leyfi í 1-5 daga
(2) Undanþága frá skólaskókn (leyfi í 6 daga eða lengur)
Eyðublöð fást einnig á skrifstofu skólans